Mandy的Blog

戴帽唔單止係增加造型，最重要係當懶得整理頭髮、又無洗頭嘅情況下嘅救星。帽戴得好嘅話，亦都可以修飾臉型，令pizza面嘅視覺上顯瘦。

咁應該要戴咩帽最好呢？同大家分享下3款可以顯瘦嘅帽，頭大、臉大女生必睇呀！

• 貝雷帽

貝雷帽係各大fashion show嘅寵兒，毛絨材質嘅貝雷帽最俏皮優雅，適合大部分女性。喺戴貝雷帽嘅時間，可以先梳理一下髮際線，隨意卷個蓬鬆小卷髮，唔單止顯臉小，仲可以令髮量睇上去更加濃密！

• 漁夫帽

適合所有臉型，無論著咩衣服好match，就連明星都對佢愛不釋手。寬闊嘅漁夫帽可以遮擋臉型，特別顯臉小，最啱頭大臉大嘅女生。

• 報童帽

黑色嘅報童帽有收細臉型作用，而質地比較鬆軟嘅報童帽，對硬朗嘅外表都可以能起到緩衝作用，霸氣中帶一絲溫柔感。

NG !!! Pizza面要避開嘅帽係……

• 鴨舌帽

鴨舌其實好難carry，只有塊面好瘦嘅女仔戴先會好睇。所以臉大嘅話就一定要避免鴨舌帽，否則只會自暴其「圓」呀~

• 針織帽

臉大女生需要避免針織帽，因為會將頭部完全包住更加突顯臉大，切記切記！