現代人為求「靚」，可以去到幾盡？聽唔少朋友講本身係好怕打針，但係為咗改善膚質變得更加年輕，都會去打針，就好似AestheFill精靈針、Sculptra童顏針呢類醫美針劑，一針就見效，可以解決法令紋、太陽穴、淚溝、皺紋、鬆弛等問題，所以就算有幾怕打針都會想去試。唔知你又係唔係心思思想打呢？
AestheFill精靈針 VS Sculptra童顏針？
為咗幫大家清楚了解AestheFill精靈針、Sculptra童顏針，簡單講下兩者之間分別，方便搵出最適合自己嘅醫美針。
AestheFill精靈針係咩？佢有咩優點呢？AestheFill精靈針係一種微整填充專用嘅膠原蛋白增生劑，主要成針係可以自行降解PDLLA聚雙旋乳酸，當注入皮膚後可以即時做到填充效果，改變皺紋及凹陷，而且亦都會喺數星期內持續刺激膠原蛋白增生，令皮膚變得更加有彈性，更為豐盈飽滿年輕。3次療程效果可以達2年。
至於Sculptra童顏針，佢主要成分係可以被身體吸收嘅PLLA粉末，係漸進式嘅膠原蛋白增生劑，所以佢唔可以好似AestheFill精靈針咁有即時填充效果，膠原增生成效需要約1至3個月先會變得明顯。佢功效係有改善因膠原流失所導致各種老化狀況，如：鬆弛、下垂、皺紋等、同AestheFill精靈針一樣佢嘅效果係可以持續2年。
精靈針、童顏針要點揀？
睇完2款針嘅原理之後，可能仲係未必太了解可以點揀，如果相比起嚟，AestheFill精靈針具備百變特質，打完之後唔易結節、不需按摩，而且佢仲可以客製化濃度調整，而Sculptra童顏針可以持續增生膠原。童顏針需要等待 4 至 8 星期先睇到膠原蛋白增生效果，並唔可以做到精靈針即時填充，較適合願意耐心等候、追求成效溫和顯現嘅愛美人士。
至於要點揀先好？其實可以依照自己膚況去決定，如果因體重驟降導致臉部脂肪快速消失影響肌膚下垂，就可以選擇效果快速可見嘅精靈針，如果係屬於肌膚老化而令皮膚下垂，就可以選擇功效持續嘅童顏針，漸漸刺激膠原蛋白增生，幫肌底建立好支撐，令肌膚愈來愈有彈性，改善老化情況。但係就要少少時間去等待效果。
當然啦，最好就一定係去搵專業人士比意見及評估，幫自己製訂個人化效果。
睇完咁多，仲想進一步了解多d ？可以去呢度參考 >>>
留言列表
